Charter Document - 02430009

Omnibus Cristi fidelibus ad quos presens carta pervenerit Petrus Dei gratia Wintoniens[is] episcopus salutem in domino Noverit universitas vestra nos concessisse et hac presenti carta nostra confirmasse Eustachio de Greinvill et heredibus suis totam terram et omnia tenementa cum omnibus pertinentiis suis que Amauricus comes Glocestr filius Amauricii comitis de Evereus ei dedit et carta sua confirmavit scilicet in manerio suo de Mapeldreham tenenda et habenda de se et de heredibus suis ipsi Eustachio et heredibus suis per servitium tercie partis unius militis scilicet quod servitium cum homagio predicti Eustachii et heredum suorum predictus comes dedit ecclesie sanctorum Petri et Pauli et sancti Swithuni Winton et nobis et successoribus nostris episcopis Winton[iensibus] tenendum et habendum in perpetuum Quare volumus et firmiter precipimus quod predictus Eustachius et heredes sui habeant et teneant omnia predicta tenementa cum pertinentiis de ecclesia Winton[iensi] et de successoribus nostris episcopis Winton[iensibus] libere et quiete integre et pacifice in bosco et plano in viis et semitis in pratis et pascuis in aquis et molendinis et in omnibus libertatibus quas predictus comes dedit et carta sua confirmavit ipsi Eustachio et heredibus suis per predictum servitium tercie partis unius militis inde faciendum cum evenerit scilicet pro omni servitio et exactione Et ut hec concessio nostra et confirmatio rata permaneat et inconcussa hanc cartam impositione sigilli nostri corroboravimus Hiis testibus Waltero de Andeli Henrico de Breibuf Iohanne de la Charite Mauricio de Turvill Roberto le Hot Roggero de Ticheburne Roberto de Hottot Roggero Alys Ad[a] de Cornhametone Ricardo de Bera Germano de Ranvill Nicolao de Westbur Thoma de Ho Gilliberto de Esli Petro de Hattinggeli et multis aliis ibidem tunc presentibus