Charter Document - 02420240
| Charter Number: | 02420240 |
|---|---|
| Cartulary Title: | Winchester 1070-1204 Volume 8 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1204 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Godefridus dei gratia Winton ecclesie minister salutem in domino Ea que viris religiosis pia fidelium largitione conferuntur competens est scriptis autenticis communire Eapropter attendentes honestam conversationem dilectorum in Cristo filiorum canonicorum sancti Dionisii iuxta Hamton auctoritate pontificali confirmavimus concessionem et donationem quam Willelmus Alis pio devotionis affectu eis fecit et carta sua quam inspeximus confirmavit de decimo denario totius redditus sui annui in Aldinton et de quinque solidis annuis de molendino eiusdem ville et de decima pannagii sui et de triginta porcis habendis in bosco suo quietis de pannagio sicut in carta ipsius Willelmi quam predicti canonici exinde habent plenius continetur Dat apud Winton per manum Philippi clerici nostri viii Kal Septembris pontificatus nostri anno xv Testibus hiis Gregorio Unfr[ido] capellanis Iohanne de Luci magistro W de Turri magistro Roberto Roberto de Luci Reginaldo Michaele Stephano Clemente clericis et aliis