Charter Document - 02420235
| Charter Number: | 02420235 |
|---|---|
| Cartulary Title: | Winchester 1070-1204 Volume 8 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1197 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Godefridus dei gratia Wynton ecclesie minister eternam in Domino salutem Noverit universitas vestra quod cum ad presentationem reverendi patris nostri Hubertus Cant archiepiscopi venerabilem fratrem nostrum Gilbertus Roffensis episcopum ad ecclesiam sancte Marie de Lambeth admitteremus et in ea personam institueremus ad presentacionem eiusdem domini Cant concessimus et presenti carta nostra confirmavimus successoribus memorati Gilbertus futuris episcopis Roffensis quinque marcas argenti annuas in eadem ecclesia de Lambeth per manum illius quicunque per nos vel successores nostros eam tenuerit perpetuo percipiendas salvis in omnibus iure episcopali et auctoritate et dignitate Wynton ecclesie Quod ut in posterum stabile perseveret et firmum presenti scripto et sigilli nostri patrocinio roboravimus Datum apud Suwerc per manum Reginaldi clerici nostri xvi kalendas Iunii anno pontificatus nostri octavo Testibus hiis Amico Surr archidiacono magistro Hugone de Gaherst magistro Hamone de Watham Olivero Mot Eusthacio de Falcoberge Roberto de Corneville Gregorio et Iohanne capellanis Godefrido Humfrido Philippo Stephano clericis