Charter Document - 02420218
| Charter Number: | 02420218 |
|---|---|
| Cartulary Title: | Winchester 1070-1204 Volume 8 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1189 - 1204 |
| Date type: | Assigned |
| Resource Link(s): |
|
Charter:
Godfridus dei gratia Winton episcopus [] Noverit universitas vestra nos ad presentationem dilectorum in domino G abbatis et conventus de Lira admisisse Philippum de Luci clericum ad ecclesiam de Niwecherch in Insula Vecta cum omnibus ad eandem pertinentibus in liberam et perpetuam elemosinam possidendam ipsumque Philippum in eadem ecclesia cum debita solemnitate personam instituisse salva magistro Alexandro de Branton perpetua vicaria eiusdem ecclesie Tenebit siquidem idem magister Alexandro prenominatam ecclesiam cum omnibus pertinentiis integre quoad vixerit solvendo inde annuatim prefatis monachis de Lira quatuor marcas argenti et memorato Philippo eiusdem ecclesie persone viginti solidos annuos nomine pensionis salva etiam utrique eorum post alterius decessum integra et plenaria predicte ecclesie pensione per predictam pensionem quatuor marcarum prefatis monachis persolvendam perpetuo iure optinenda Ut autem hec nostra institutio perpetue firmitatis robur optineat eam presenti scripto et sigilli nostri patrocinio roboravimus salvis in omnibus iure episcopali et auctoritate et dignitate Winton ecclesie []