Charter Document - 02420190
| Charter Number: | 02420190 |
|---|---|
| Cartulary Title: | Winchester 1070-1204 Volume 8 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1179 - 1182 |
| Date type: | Assigned |
| Resource Link(s): |
|
Charter:
Ric[ardus] dei gratia Winton episcopus archidiaconis decanis et universis clero ac populo per episcopatum Winton constitutis salutem in vero salutari Ne pia predecessorum facta maligna possint machinatione posteritatis interverti nos venerande memorie Henrici decessoris nostri piis inherentes vestigiis redditum triginta marcarum quem idem Henricus venerabilis Winton episcopus ecclesie Winton et monachis ibidem deo servientibus in feria Winton assignavit et concessit et carta sua confirmavit auctoritate qua in domino fungimur eidem ecclesie Winton et monachis prescriptis concedimus habendum in perpetuum et tenendum sicut carta prefati decessoris nostri testatur Has siquidem triginta marcas argenti percipient prefati monachi singulis annis infra sedecim dies ferie constitutos ad reparationem et emendationem ipsius ecclesie Hanc igitur nostram concessionem ut in posterum rata consistat et firma presenti carta et sigilli nostri appositione duximus roborandam Hiis testibus domino Petro Menevensi episcopo Henrico abbate de Wauerle Herberto Cant Hugone de Nunant Lexov et Rogero Wint archidiaconis magistro Stephano Remens magistro Roberto de Buget[orp magistro] Hamone et Gregorio et Ricardo et Hugone medicis magistro Thoma Griff [Iordano] de Turr Iordano de sancto Michaele Thoma de Gah Thoma [] M[]ors Hugone de Gah Petro de Winton Iocelino de Risindon Radulfo de Tintehill