Charter Document - 02420158
| Charter Number: | 02420158 |
|---|---|
| Cartulary Title: | Winchester 1070-1204 Volume 8 |
| Charter Language: | Latin |
| Charter Origin: | Religious |
| Charter Type(s): | Ruling |
| Date: | 1177 - 1188 |
| Date type: | Assigned |
| Resource Link(s): |
|
Charter:
Ricardus dei gratia Wyntoniensis episcopus omnibus sancte matris ecclesie filiis ad quos presens scriptum pervenerit salutem in domino Universitati vestre notum fieri volumus quod cum causa que venebatur inter monachos Malmesburie et Osbertum de Culerna super ecclesia de Culerna nobis commissa fuisset a domino papa remota appellatione terminanda die statuto partibus in nostra presentia constitutis post plurimas utriusque partis allegationes et multam hinc inde habitam altercationem controversia amicabili tandem compositione finem accepit Modus autem compositionis hic est memoratus Osbertus camerario monasterii Malmesburie nomine ipsius ecclesie de Culerna annuatim solvet sex solidos tres in octavis Pasche et tres in octavis sancti Michaelis Quos sex solidos ipsi monachi Malmesburie qui ob causam illam venerant magistro Reynaldo de Eileya clerico suo nomine ipsius ecclesie de Culerna incontinenti assignaverunt Nos itaque quod taliter convenerit inter eos in nostra presentia protestamur