Charter Document - 02420151
| Charter Number: | 02420151 |
|---|---|
| Cartulary Title: | Winchester 1070-1204 Volume 8 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1175 - 1188 |
| Date type: | Assigned |
| Resource Link(s): |
|
Charter:
Ricardus dei gratia Wint[oniensis] episcopus archidiaconis decanis et universo clero ac populo per episcopatum Wynt constituto salutem in domino Noverit universitas vestra nos divine pietatis intuitu concessisse et dedisse priori et monachis ecclesie beati Andree de Hamele pensionem trium marcarum in ecclesia de Stok quam asserebant ad se pertinere ex concessione predecessorum Willelmi et Henrici bone recordationis episcoporum solvendam eis annuatim ab eo qui a nobis vel successoribus nostris institutus fuerit persona illius ecclesie Et ut hec nostra donatio et concessio inperpetuum rata sit et firma eam presenti scripto et sigilli nostri appositione communimus Hiis testibus Herberto Cant et Roberto Wint archidiaconis magistro Stephano Rem magistro Thoma Griffyn magistro Roberto de Bucketorp Iordano de Turry Iohanne de Garl Iordano de sancto Michaele Thoma de Tornaco Stephano de Claya fratre Herberto Gaufrido de Cant Alexandro de Barent Rogero de Scur Gautero de Andeli Willelmo Daco Hugone de Gaherst Radulfo de Tintenhille clerico Iocelino de Risenden clerico Rogero de Derleya