Charter Document - 02420090
| Charter Number: | 02420090 |
|---|---|
| Cartulary Title: | Winchester 1070-1204 Volume 8 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1129 - 1171 |
| Date type: | Assigned |
| Resource Link(s): |
|
Charter:
Henricus dei gratia Wintoniensis episcopus et apostolice sedis legatus episcopis abbatibus comitibus et omnibus sancte dei ecclesie filiis per Angliam constitutis salutem Propositi nostri nos sollicitudo vementer astringit ut ita rerum ecclesiasticarum deo auxiliante debeamus providere cautelam quatinus nulla in eis possit evenire de neglectu iactura Hoc nimirum intuitu ne ecclesia beate Frideswidis de Oxenefordia futuris temporibus rerum suarum detrimentum patiatur quicquid ei a venerabili fratre nostro Rogero Saresberiensi episcopo tam in ecclesiis quam in aliis possessionibus donatum sive redditum est sibi et canonicis ibidem deo militantibus auctoritate apostolica inperpetuum confirmamus Si quis vero ausu temerario donationem predicti fratris nostri Saresberiensis episcopi perturbare et huic nostre confirmationi contraire presumpserit ultioni districte in futuro examine subiaceat nisi resipuerit et errata condigna satisfactione correxerit Valete