Charter Document - 02420035
| Charter Number: | 02420035 |
|---|---|
| Cartulary Title: | Winchester 1070-1204 Volume 8 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1139 - 1143 |
| Date type: | Assigned |
| Resource Link(s): |
|
Charter:
Henricus dei gratia Wintoniensis episcopus et apostolice sedis legatus archiepiscopis episcopis abbatibus prioribus baronibus iusticiis vicecomitibus et omnibus fidelibus et filiis sancte dei ecclesie per Angliam constitutis tam presentibus quam futuris salutem Locorum venerabilium cura nos ammonet de eorum utilitate per omnia cogitare Eapropter paterne dilectionis intuitu terras ecclesias possessiones quas ecclesia de Cirecestr antiquitus possedisse dinoscitur seu omnia que venerabilis memorie rex Henricus et rex Stephanus frater noster cartis et sigillis suis ei confirmarunt presentibus litteris eidem ecclesie et canonicis secundum regulam beati Augustini ibidem deo militantibus confirmamus et ne quis aliquid inde ausu temerario perturbare vel minuere presumat auctoritate apostolica inhibemus Valete