Charter Document - 02413017
| Charter Number: | 02413017 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1219 - 1231 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit Hugo Foliot dei gratia Hereford episcopus salutem in domino Noverit universitas vestra quod nos dedimus et concessimus Waltero de Hope camerario nostro pro homagio et servitio suo unam virgata terre cum pertinentiis in Lillinghale illam scilicet quam Willelmus Musheye aliquando tenuit et nobis remisit et quietam clamavit pro decem et septem marcis quas eidem Willelmo pre manibus dedimus tenendam et habendam de nobis et successoribus nostris sibi et heredibus suis vel cuicumque illam dare vel assignare voluerit in feodo et hereditate libere et quiete integre et honorifice in omnibus reddendo inde annuatim nobis et successoribus nostris ipse et heredes sui vel sui assignati et heredes eorum octo solidos ad quatuor terminos scilicet ad festum Sancti Michaelis duos solidos et ad festum Sancti Andree duos solidos et ad annuntiationem beate Marie duos solidos et ad Nativitatem Sancti Iohannis Baptiste duos solidos pro omni servitio exactione et demanda salvo domini regis servitio Nos vero et successores nostri predictam terram cum pertinentiis dicto Waltero et heredibus suis vel suis assignatis et heredibus eorum contra omnes homines et feminas warantizabimus et ut nostra donatio et concessio rata et inconcussa inperpetuum permaneat eam presenti scripto et sigilli nostri impressione confirmavimus Hiis testibus Warino de Grend tunc senescallo domini episcopi Ada persona de Estenoure Waltero de la Mare Waltero de Paris Willelmo Romano Willelmo de Broy Alano de Walinton Willelmo Foliot Godfridus clerico et aliis