Charter Document - 02412316
| Charter Number: | 02412316 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1226 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis ad quos presens scriptum pervenerit Fulco filius Guarini salutem in domino Noverit universitas vestra me pro salute anime mee et Matildis uxoris mee et Fulconis patris mei et Hawyse matris mee et omnium antecessorum et successorum meorum fundasse et construxisse in honore Dei et gloriose virginis Marie domum quandam fratrum Grandimontensis ordinis in territorio de Alberbur super Sabrinam Quibus fratribus ibidem Deo servientibus dedi et concessi et hac presenti carta mea confirmavi de assensu Fulconis filii et heredis mei locum cum pertinenciis suis ubi domus predicta sita est scilicet a rivulo descendente in terram meam de Alberbur et terram de Eytun quadraginta particatas terre et cum pertinentiis suis in longitudine et totidem in latitudine in bosco meo de Alberbur super Sabrinam et super prefatum rivulum et preterea viginti particatas terre cum pertinenciis suis ibidem super Sabrinam in longitudine et decem particatas terre in latitudine et totum pratum meum de Brademed et preterea totam terram meam de Pekenhall cum omnibus pertinentiis suis et preterea viginti quattuor acras terre quas dedi cum corpore uxoris mee Hec autem omnia vobis ut habeant et teneant in liberam puram et perpetuam elemosinam libere et quiete et honorifice cum omnibus pertinentiis suis et aysiamentis in bosco et plano cum husbot et heybot et boscum de meo ad focum suum licite capiendum et in pratis et pascuis in viis et semitis et piscariis in Sabrinam quantum terra mea durat et in molendinis videlicet ut libere molendinum cum stangnis sibi construere possint ubi sibi magis viderint expedire In terra sua cum plena redundatione aque super terram meam et ut liberum habeant conductum aque per totam terram meam usque ad predictum locum absque omni impedimento mei vel heredum meorum et ut habeant communem pasturam omnimodis animalibus suis per totum boscum meum et totam pasturam meam de Alberbur et alibi ubicumque propria averia mea habent communem pasturam et ut habeant centum porcos quietos de pannagio in bosco meo de Alberbur cum pessonia fuerint et ut marlam libere possint capere et trahere super terram suam ubi illam invenerint in terram meam ubi ego vel homines mei illam ceperimus vel rationabiliter capere potuerimus cum libero egressu et regressu per totam terram meam sibi et omnibus rebus suis et ut ipsi et homines sui liberi et quieti sint per omnia mercata mea et nundinas meas de theloneo et omni consuetudine volo etiam quod prefata domus de Alberbur nulli alii domui ipsius ordinis subiecta sit nisi soli capitali domui Grandimontis Hec autem omnia ut supradictum est volo et concedo ut ipsi fratres habeant et teneant in liberam puram et perpetuam elemosinam absque omni exactione et omni seculari servicio et ut ego predictus Fulco et heredes mei hec omnia predicta ipsis fratribus warentizabimus contra omnes homines Ut igitur hec mea donacio futuris temporibus rata et inconcussa permaneat sigilli mei apposicione eam roboravi Hiis testibus Willelmo filio Garini Henrico de Tracy Radulfo de Hodenet Willelmo capellano de Dreyton Aldulfo de Braci Matheo Morell Hugone de Hoe Rogero de Prestina Radulfo clerico Et multis aliis