Charter Document - 02411288
| Charter Number: | 02411288 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1201 - 1215 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis ad quos presens carta pervenerit H Herefordensis ecclesie decanus et eiusdem loci capitulum eternam in domino salutem Universitati vestre notum facimus nos concessisse et dedisse et hac presenti carta nostra confirmasse Willelmo Folyot precentori Hereford unam virgatam terre in Lulleham quam Turebertus et Edwynus et Radulfus filii eius tenuerunt cum duobus urpinis et omnibus ad predictam virgatam pertinentibus item cum una acra et dimidia de bosco in Lyndewod et cum octava parte gurgitis eiusdem ville tenendam et habendam sibi et cuicumque eam dare voluit de nobis et successoribus nostris in feudo et hereditate libere et integre honorifice et quiete ab omni servitio et exactione que ad predictam terram pertinet vel pertinere possit reddendo inde annuatim nobis et successoribus nostris pro predicta virgata et duobus urpinis octo solidos pro acra vero et dimidia et octava parte gurgitis iii d[enarios] obolum pro omni servitio medietatem scilicet in Annunciatione beate Marie et aliam medietatem in festo Sancti Michaelis Sciendum est autem quod predictus Radulfus predictas terras ad opus predicti precentoris nobis reddit quietas licet vero predicto precentori predictam virgatam cum duobus urpinis et cum acra et dimidia et cum octava parte gurgitis salvo predicto servitio nostro cuicumque voluerit dare et quemcumque voluerit inde hereditare Nos etiam predictas terras cum predicta portione gurgitis prefato precentori et cuicumque eas dederit vel heredem suum fecerit contra omnes homines warantizabimus