Charter Document - 02411170
| Charter Number: | 02411170 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1142 - 1175 |
| Date type: | Assigned |
| Resource Link(s): |
Reference Document for this Embedded Document Reference Document for this Embedded Document British Library - Egerton MS 3031 (f53v,p110) |
Charter:
Videlicet quod iam dicti Canonici prescriptas ecclesias de Berkelhernes cum universis ad eas pertinentibus que ipsi Canonici tempore inite transactionis vel aliquis eorum nomine possidebat perpetuo nomine monachorum Rading[ensium] possidebunt solvendo monachis pro illis ecclesiis annuas xx marcas in perpetuum x ad Pascha et x ad festum sancti Michaelis Cum autem de assensu utriusque partis fuerit ut ea que a monachis Gloecestrie vel a quibuslibet aliis detinentur sive ecclesie sint sive alia beneficia de Berkelhernes mediante iustitia revocentur ad eorum revocationem sumptus pro equis portionibus debebunt ab utraque partium ministrari Et quicquid per sententiam evincere vel pace interveniente recuperare poterunt in usus communes tam monachorum quam canonicorum pro mediis portionibus cedet Ad hec sciendum quod dominus rex predictus de solutione iam dictarum xx marcarum quoad Henricus Exoniensis archidiaconus vixerit ita provisurus est quod et monachi Rading[enses] eas a canonicis prenominatis annis singulis sine difficultate percipient et canonicorum indempnitati providebitur