Charter Document - 02411106
| Charter Number: | 02411106 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Attestation |
| Date: | 1148 - 1155 |
| Date type: | Assigned |
| Resource Link(s): |
|
Charter:
Hanc siquidem donationem in manu Gilleberti episcopi Herefordensis per aureum anulum posui rogans quod dederam episcopali auctoritate muniri et nichilominus scripto meo et sigillo apposito confirmavi subiungens testes qui affuerunt presentes videntes et audientes Gillebertus episcopus Herefordensis Rodbertus prior Mon[emuda] Galfridus de Spiniauc et Radulfus clericus Badero de Mun[emud] et uxor eius Roheis et Mauricius de Heref[ordia] Pretaxatam hanc donationem ab illustri cornite Herefordensi R[ogero] factam ecclesie sancte Marie de Mon[emuda] ego Gillebertus Herefordensis Dei gratia episcopus episcopale auctoritate confirmo et corroboro adiciens non solum presentationem clerici que et laicis in ecclesiarum donatione conceditur sed etiam personatum predicte ecclesie de Aura post mortem Hugonis clerici nunc eiusdem ecclesie persone ad predictam ecclesiam pertinere Terram preterea que dicitur Haiward quam ipse comes R[ogerus] a possessione laica in ecclesiasticam in presentia nostra transferens ecclesie de Mon[emuda] concessit nos de manu ipsius suscepimus et predicte ecclesie tam presenti scripto quam sigilli nostri attestatione confirmamus Quod qui presumptione temeraria cassare temptaverit divino ipsum examini relinquimus sua vero predicte ecclesie iura conservantibus una cum fratrum in ea Domino servientium oratione nos quoque benedictionis nostre participationem annuimus Amen