Charter Document - 02410371
| Charter Number: | 02410371 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1220 - 1224 |
| Date type: | Assigned |
| Resource Link(s): |
Balliol College - MS 271 (f70v) |
Charter:
Universis Cristi fidelibus ad quos presens scriptum pervenerit Hugo Foliot dei gratia Hereford episcopus salutem in domino Universitati vestre dignum duximus significare quod Iocelinus prior et conventus Sancti Guthlaci Hereford assensu et voluntate domini Henrici abbatis Glouc in nostra presentia remiserunt et concesserunt domino Waltero de Muchegros militi et heredibus suis in perpetuum donationem et advocationem ecclesie de Monitona salva prioratus Sancti Guthlaci Hereford dimidia marca argenti annuatim solvenda ad festum Sancti Michaelis per personam qui pro tempore affuerat de predicta ecclesia de Monitona quam ex antiquis temporibus percipere consueverint Et ne pro hoc aliquid preiudicium magistro Reginaldo Foliot eiusdem ecclesie possit gravare volumus quod idem magister R toto tempore vite sue dicte ecclesie pacifica gaudeat possessione In cuius rei testimonium ad instantiam dicti prioris et conventus presenti scripto in modum cirographi diviso sigillum nostrum est appensum una cum sigillo partis utriusque Hiis testibus Magistro Roberto Haket Magistro I de Godstowe Ada de Salop Magistro Willelmo Plat [Ri]ce Fulcone milite []