Charter Document - 02410357
| Charter Number: | 02410357 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1219 - 1230 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presens scriptum inspecturis Foliot divina permissione Hereford ecclesie minister humilis salutem in domino Noverit universitas vestra nos dedisse et concessisse Matheo coco pro homagio et servitio suo dimidiam hydam terre cum omnibus pertinentiis in Calecumbe videlicet illam quam Ricardus de Kent habuit de dono bone memorie Egidii Hereford episcopi et quam dictus Ricardus nobis vendidit pro tribus marcis et in curia nostra Hereford totum ius quod in ea habuit vel habere potuit quietum clamavit et quam terram Waltero de Hope servienti nostro pro homagio et servitio suo concessimus et predictus Walterus de Hop in curia nostra nobis reddidit et totum ius quod in ea habuit vel habere potuit quietum clamavit tenendam et habendam predicto Matheo coco et heredibus suis de nobis et successoribus nostris episcopis in feodo et hereditate liberam et quietam ab omni servitio et exactione que ad terram illam pertinet vel pertinere possit excepto regali servitio reddendo inde annuatim nobis et successoribus nostris episcopis ipse et heredes sui septem solidos et unum denarium ad quatuor anni terminos scilicet ad festum Sancti Andree duos solidos et sex denarios ad annuntiationem beate Marie decem et octo denarios ad festum Sancti Iohannis Baptiste decem et octo denarios ad festum Sancti Michaelis decem et novem denarios Et nos warantizationem quam Ricardus de Kent fecit nobis vel assignato nostro per cartam suam de eadem terra concessimus dicto Matheo et heredibus suis videlicet quod sicut predictus Ricardus de Kent et heredes sui nobis eandem terram warantizet eodem modo warantizet eam predicto Matheo et heredibus suis tanquam assignatis nostris Et ut hec nostra donatio et concessio rata et inconcussa permaneat eam presenti scripto et sigilli nostri appositione confirmavimus Hiis testibus Thoma precentore Heref magistris R de Hereford P de Norhampton R Normanno A canonico et multis aliis