Charter Document - 02410346
| Charter Number: | 02410346 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1224 - 1228 |
| Date type: | Assigned |
| Resource Link(s): |
|
Charter:
Universis Cristi fidelibus presentes literas inspecturis H dei gratia Herefordensis episcopus salutem et benedictionem Quoniam dies hominum breves sunt et eorum memoria labilis volumus ut ea que temporibus nostris et in presentia nostra canonice acta sunt perpetue firmitatis robur optineant Quocirca discretioni vestre et universitati duximus significandum dilectos filios Iocelinum priorem et conventum Hereford assensu domini Thome abbatis Glouc concessisse Bernardo clerico nostro decimas eorum de dominico Maioris Sutton ad ipsorum monasterium Hereford pertinentes tenendas de eis ad firmam pro xv s eis annuatim solvendis Concedimus etiam et episcopali auctoritate confirmamus ut cum de dicto B humanitus contigerit dicte decime in proprios usus dictorum prioris et conventus pro voluntate eorum libere et sine aliqua contradictione revertantur non obstante quod Magister Simon de Fraxino predecessor dicti B dictas decimas de dictis priore et conventu ad firmam tenuit Quod ne inposterum alicui vertatur in dubium presenti scripto sigilli nostri et capituli nostri attestatione roborare curavimus Valete