Charter Document - 02410345
| Charter Number: | 02410345 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1220 - 1224 |
| Date type: | Assigned |
| Resource Link(s): |
Balliol College - MS 271 (f73v) |
Charter:
Universis Cristi fidelibus ad quos presens scriptum pervenerit Hugo Foliot dei gratia Herefordensis episcopus salutem in domino Noverit universitas vestra quod Walterus de Muchegros miles in nostra presentia constitutus pro deo et salute anime sue et Ivete uxoris sue et Milonis filii sui et pro animabus antecessorum et successorum remisit et quietum clamavit pro se et heredibus suis imperpetuum priori et conventui Hereford totum ius et clamium quod habuit vel habere potuit in duobus molendinis cum pertinentiis suis sitis suburbio Hereford quorum unum est iuxta ripam Waye sub castro Hereford alterum vero supra Yene extra portam occidentalem Hereford Cartam quam de dictis molendinis habuit coram nobis dicto priori et conventui liberavit In huius quidem rei testimonium ad instantiam dicti Walteri de Muchegros presenti scripto sigillum nostrum apponere curavimus Hiis testibus Magistro Roberto Haket Ada de Salop Magistro Willelmo Plat Ricardo Suk milite Rogero de Bartes Thoma de Gayton Ada clerico de prioratu et aliis