Charter Document - 02410343

Universis Cristi fidelibus ad quos presens scriptum pervenerit Hugo Foliot dei gratia Hereford episcopus salutem in domino Noverit universitas vestra quod nos divina gratia inspirante quadam de bonis nobis a deo collatis provida consideratione et diligentia nostra mediante adquisitis volentes in pios usus convertere disposuimus concessimus et assignavimus duobus capellanis in perpetuum divina celebrantibus in propriis personis et non per alios in capella beate Katerine Hereford pro anima nostra et predecessorum et successorum nostrorum et canonicorum Hereford et omnium fidelium vivorum ac mortuorum quinque marcas de redditu centum solidorum quem per finalem concordiam in curia domini regis factam adquisivimus de ecclesia de Boclinton in perpetuum percipiendum iuxta formam cyrographi super hoc confecti in dicta curia et de residuo illius redditus assignavimus capitulo Hereford duas marcas annuas in perpetuum percipiendas die obitus nostri et de eodem redditu assignavimus pauperibus clericis de choro Hereford dimidiam marcam die obitus nostri in perpetuum percipiendam Preterea abbas et conventus de Wigemor divino intuitu concesserunt nobis redditum quatuor marcarum in perpetuum percipiendum de ecclesia sua de Presthemed et eundem redditum plene et integre assignavimus dictis capellanis personaliter in dicta capella ministrantibus cum tribus marcis et tribus solidis et duobus denariis annuis de redditu quinque marcarum et quinque solidorum quem adquisivimus de Roberto Folet scilicet apud Eilnethestan De Edrico filio Rogeri septem sol et tres den De Waltero Wardebois quatuor sol octo denar et ob De Waltero molendinario tres sol et undecim den De Willelmo filio Radulfi et Rogero fratre eius unam marcam et unum denarium De Ernaldo piscatore duos solidos decem denarios et obolum De Waltero Belle sexdecim denarios De Hamone Iudeo sexdecim denarios De Editha Nunna octo denarios De Nicholao cantore decem et octo denarios De Iohanne coco sex solidos et duos denarios Decedentibus vero capellanis dicte capelle dicti decanus et capitulum habeant in perpetuum liberam potestatem alios substituere et secundum voluntatem eorum de omnibus in dicta capella disponere sine contradictione cuiuslibet Ita quod in nullos alios usus nisi in usus capellanorum ibi ministrantium res vel possessiones dicte capelle commutabunt et omnes res iura et possessiones dicte capelle servabunt et manu tenebunt et contra omnes viriliter pro posse suo defendent Et idem decanus et capitulum omnes oblationes et quoscumque proventus dicebant sibi competere in dicta capella ad fabricam dicte capelle remiserunt et quietos in perpetuum clamaverunt Si vero tractu temporis creverint facultates et suffecerint ad sustentationem trium capellanorum erunt ibi tres capellani in perpetuum quorum duo celebrabunt divina pro anima nostra et predecessorum et successorum nostrorum et canonicorum Hereford et omnium fidelium defunctorum et tertius celebrabit de die Decedente vero aliquo canonico Hereford tricenale fiet pro anima decedentis in dicta capella sicut consuevit fieri in maiori ecclesia Hereford Nos vero de consensu capituli et de consilio proborum virorum et discretorum publice et sollempniter excommunicavimus omnes illos qui aliquo tempore in posterum contra predictam ordinationem nostram venerint vel res et possessiones diminuerint vel in aliquo subtrahere vel commutare presumpserint contra predictam ordinationem nostram Et hoc fecimus sollempniter convocato clero et populo in maiori ecclesia Hereford die dominica proxima post festum Sancti Gregorii anno gratie millesimo ducentesimo tricesimo secundo Hiis testibus deo clero et populo ad hoc convocato et capitulo Hereford cuius sigillum ad maiorem securitatem et evidentiam presenti scripto est appositum