Charter Document - 02410319
| Charter Number: | 02410319 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1219 - 1227 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Hugo Foliot dei gratia Hereford episcopus salutem in domino Noverit universitas vestra quod hec est compositio facta inter Philippum priorem et canonicos de Chirebir et Ricardum personam quarte portionis ecclesie de Chirebir ex una parte et Willelmum personam ecclesie de novo Mungomeri ex alia super cantaria ecclesie eiusdem de novo constructe et sepultura mortuorum ibidem habenda in perpetuum videlicet quod ecclesia predicta sine contradictione et reclamatione dictorum prioris et conventus qui pro tempore fuerint propriam habeat perpetuo personam quam dominus rex et heredes sui presentabunt ad eandem et ipsa ecclesia fontes habeat et sepulturam cum omni alio iure quo matrices ecclesie utuntur hoc scilicet modo persona que pro tempore fuerit instituta singulis annis reddet ecclesie de Chirebir triginta sol[idos] sterlingorum ad duos terminos scilicet ad Pascha quindecim sol[idos] et ad festum Sancti Michaelis quindecim sol[idos] pro composicione oblationum quas ecclesia de Chyrebir quondam percipere consuevit de parochianis de Mungomeri et sub pena dimidie marce prefatis priori et canonicis de Chirebir solvenda in quolibet termino quo dicta persona a solutione ipsorum quindecim solidorum cessabit Reddet etiam eadem persona ecclesie de Chirbir medietatem principalis legati de tota parochia de Mungomeri integre et sine aliqua diminutione qualitercumque fuerit legatum tam infra castrum quam extra et hoc tam clerici et capellani ministrantes in ecclesia de Mungomeri quam persona eiusdem loci se fideliter servaturos iurabunt coram domino Hereford vel eius officiali Licebit etiam priori et canonicis de Chirbir libere et sine reclamatione prefate persone et successorum suorum recipere corpora libere tenentium de parochia de Mungomeri si aliquis eorum corpus suum dare vel reddere voluerit eisdem salvo in omnibus iure ecclesie de Mungomeri Hanc igitur composicionem ratam et gratam habentes eam episcopali auctoritate presenti scripto et sigilli nostri munimine confirmavimus Hiis testibus Th decano Hereford E thesaurario Heref S archidiacono Salops Th precentore Heref Magistro W Platun E canonico et Roberto capellanis domini episcopi Magistro E de Buckehull God clerico et aliis