Charter Document - 02410318
| Charter Number: | 02410318 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1219 - 1227 |
| Date type: | Assigned |
| Resource Link(s): |
|
Charter:
Universis Cristi fidelibus presens scriptum inspecturis Hugo Folyot divina miseratione Heref ecclesie minister humilis salutem eternam in domino Noverit universitas vestra nos ad presentationem dilecti filii Roberti de Boclint Iohannem Folyot clericum ad ecclesiam de Boclynton recepisse et ipsum in eadem ecclesia personam canonice instituisse salva Boclinton capellano vicario eiusdem ecclesie vicaria sua videlicet totam ecclesiam et predicto Iohannem persone unam marcam argenti nomine pensionis annuatim persolvet et si prefatus Boclinton premori contigerit liceat predicto Iohannem persone eandem ecclesiam cum omnibus ad eam pertinentibus in usus suos proprios convertere salvis c s[olidis] annuatim prestandis ab ipso vel eo quicumque eandem ecclesiam optinuerit cui assignare volumus Ipse etiam Iohannem et omnes quicumque pro tempore predictam ecclesiam optinuerint de predictis c s[olidis] annuatim fideliter solvendis iuramento prestito tenebit omnia onera predicte ecclesie et sicut predictus Boclinton vicarius sustinebit Et decedentibus personis prefatus Roberti de Boclynton patronus eiusdem ecclesie ad eandem ecclesiam presentandi liberam habebit potestatem et quicumque eum impedierit indignationem Patris et Filii et Spiritus Sancti et beate et gloriose virginis Marie et beati Ethelberti et omnium sanctorum et nostram incurrat Et ut hec omnia rata et inconvulsa permaneant presenti ea scripto et sigilli nostri appensione confirmare curavimus Hiis testibus M[agistris] Thome Folyot Symone de Fraxino et Walterus de Munci canonicis Herford et aliis