Charter Document - 02410317
| Charter Number: | 02410317 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1219 - 1227 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens scriptum pervenerit H dei gratia Herefordensis ecclesie minister humilis eternam in domino salutem Notum vobis facimus quod nos ad presentationem Roberti de Boclinton recipimus Iohannem Folyot ad ecclesiam de Boclit et ipsum I in eadem ecclesia cum omnibus pertinentiis suis in bosco et plano in pratis et pascuis in terris et decimis et obventionibus personam canonice et absque omni reclamatione instituimus Quod ne in posterum deduci possit in irritum presenti carta et sigilli nostri impressione confirmavimus salva in omnibus tam nostra quam nostrorum successorum episcoporum Heref canonica iustitia Hiis testibus W archidiacono Hereford N archidiacono Salopser M[agistro] P de Bergeveney M[agistro] T Folyot Iohanne Carbonell Pagano de Burchehull R le Polher Iohanne Wyard T de Yeddefen Radulfo filio eius R Brothant R filio eius Waltero de Wetebeth Rogero filio eius et aliis