Charter Document - 02410308
| Charter Number: | 02410308 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1217 - 1218 |
| Date type: | Assigned |
| Resource Link(s): |
Reference Document for this Embedded Document British Library - Egerton MS 3031 (f98r) |
Charter:
Omnibus sancte matris ecclesie filiis presens scriptum inspecturis Hugo dei gratia Hereford episcopus eternam in domino salutem Cum in fundacione Radingensis monasterii manerium de Leominstr cum omnibus pertinentiis suis et ecclesia eiusdem loci cum omnibus ad eam spectantibus ad sustentationem dicti monasterii de Rading essent collata et abbates Radingenses ab ipsa fundatione monasterii sui liberam habuerint facultatem ordinandi et disponendi de omnibus que ad ordinem monachicum spectant apud Leominstr necnon pro arbitrio suo decanos et monachos quoscumque ad custodiam manerii et ecclesie deputatos prout eis et monasterio Rading visum fuerat expedire constituere et amovere consueverint volentes iura eorum in omnibus illesa conservari auctoritate pontificali de consensu totius capituli nostri unanimi ad perpetuam confederationem inter ecclesiam de Hereford et monasterium Rading concedimus et confirmamus quod abbas et conventus Rading in perpetuum possessione sua in dictis disposicionibus et consuetudinibus pacifice gaudentes liberam habeant facultatem constituendi et amovendi monachos quoscumque ad custodiam manerii et ecclesie de Leominstr deputatos et alios secundum antiquas et visitatas consuetudines suas substituendi et ordinandi et disponendi de omnibus que ad ordinem monachicum spectant ibidem salva in aliis dignitate Hereford ecclesie Et ut hec nostra confirmacio perpetuam firmitatem obtineat eam presenti scripto et tam sigilli nostri quam sigilli capituli nostri appositione communire curavimus Hiis testibus Thomas decano Willelmo precentore Hwlia thesaurario Albino cancellario Willelmo archidiacono Hereford Gregorio Roberto capellanis Nicholao Theoderico clericis et multis aliis