Charter Document - 02410299
| Charter Number: | 02410299 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1216 - 1219 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis ad quos presens scriptum pervenerit Hugo dei gratia Her episcopus salutem in domino Noverit universitas vestra nos dedisse et concessisse et presenti carta nostra confirmasse Iohanni clerico de Hudecota pro homagio et servitio suo dimidiam virgatam terre cum omnibus pertinentiis suis in villa de Eyhene illam scilicet quam Ricardus filius Theoderici tenuit et duodecim acras terre in eadem villa quas Nicholaus Rufus tenuit tenendas et habendas sibi et heredibus suis vel cui eas assignare voluerit de nobis et successoribus nostris in feudo et hereditate libere et quiete integre et plenarie reddendo inde annuatim nobis et successoribus nostris ipse et heredes sui vel ille cui eas assignare voluerit octo solidos ad quatuor terminos scilicet ad festum Sancti Andree duos solidos et ad Annunciationem beate Marie duos solidos et ad nativitatem sancti Iohannis Baptiste duos solidos et ad festum Sancti Michaelis duos solidos pro omni servitio et exactione et consuetudine et demanda que ad terram illam pertinent vel pertinere possint salvo servitio domini regis quantum pertinet ad tantam terram in eadem villa Quod quia ratum et inconcussum debet permanere presenti id scripto et sigilli nostri munimine dignum duximus corroborare Hiis testibus Willelmo le Poer Iohanne canonico de Bromyard Waltero de Maurthin Gregorio capellano Roberto elemosinario Rogero de Hompton Wrennon de Homme Radulpho de Homtonia Gilberto de Lutteleya Nicholao de Hompton Waltero de Longeford et multis aliis