Charter Document - 02410293
| Charter Number: | 02410293 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1217 - 1223 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presens scriptum inspecturis H divina miseratione Hereford ecclesie minister eternam in domino salutem Quoniam iustis postulantium desideriis et precipue virorum religiosorum qui totam vitam suam in dei laudibus expendunt paterna provisione duximus annuendum dilectis filiis priori et conventui de Brecon ius patronatus ecclesie de Buford et ultimam presentationem ad dictam ecclesiam nomine eorum factam secundum tenorem cartarum dilecti filii Walteri de Travel eiusdem ecclesie patroni quas diligenter inspeximus auctoritate pontificali confirmare curavimus Ut igitur hec nostra confirmatio rata et stabilis in posterum permaneat eam presenti scripto et sigilli nostri appositione duximus roborandum Hiis testibus Thoma decano W precentore Elya thesaurario A cancellario Magistris Ricardo et Stephano canonicis Hereford ecclesie Magistro W de Gersintun Magistro El[ia] de Burchull G et R capellanis Nicholao clerico et multis aliis