Charter Document - 02410291
| Charter Number: | 02410291 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1206 |
| Date type: | Internal, Episcopal, Feast, Papal |
| Resource Link(s): |
|
Charter:
Omnibus sancte matris ecclesie ad quos presens scriptum pervenerit Egidius divina permissione Hereford ecclesie minister eternam in domino salutem Noverit universitas vestra quod lis mota inter R priorem et monachos Wigorn ex una parte et O archidiaconum de Kaermerdin rectorem ecclesie de Lindrugge ex altera super pensione trium marcarum de eadem ecclesia percipiendarum item super decimis dominici de Mora et de Neweham quas petebat archidiaconus a priore et monachis sub hoc fine pro bono pacis conquievit Videlicet quod ex utraque parte sponte et absolute facta peticionum predictarum hinc inde remissione solvet de cetero inperpetuum ecclesia de Lindrugg per manum rectoris eiusdem ecclesie priori et monasterio Wigorn annuatim centum solidos et infra octabas nativitatis beate Marie quinquaginta solidos Percipiet autem ecclesia de Lindrugge omnes decimas dominici dictorum locorum videlicet de Mora et de Noweham exceptis decimis nutrimentorum propriorum animalium monasterii prelibati et ortorum et feni de Munekemedew et de Calreham et de Menemedew et molendinorum propriorum scilicet duorum apud Moram et unius apud Neweham et pasnagii nemorum Hanc autem compositionem inter ecclesias factam firmiter in perpetuum observandam utraque pars iureiurando corporaliter prestito cum sigillorum suorum appositione fideliter promisit Nos igitur eidem compositioni devotum adhibentes assensum et auctoritatem nostram apponentes eam presenti scripto et sigilli nostri testimonio confirmare curavimus Facta est autem hec compositio anno domini pape Innocentii tercii nono consecrationis nostre anno sexto circa festum apostolorum Petri et Pauli Hiis testibus Ricardo de Sap