Charter Document - 02410287
| Charter Number: | 02410287 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1200 - 1215 |
| Date type: | Assigned |
| Resource Link(s): |
|
Charter:
Universitati vestre notum facimus quod controversia que vertebatur inter abbatem de Wigmora et conventum et Willelmum de Muneda et Walterum clericum fratrem predicti Willelmi rectorem ecclesie de Muned super duodecim denariis quod prefatus abbas et conventus de Wigem a prefato Waltero nomine pensionis de ecclesia de Muneda annuatim ad ecclesiam de Lideburia solvendos exigebant hoc fine coram nobis in forma iuris conquievit sententialiter Prefatus Walterus clericus et successores sui ecclesiam de Muned optinentes de prefata ecclesia de Muned tantum xii denarios ecclesie de Lidebur singulis annis nomine pensionis ad annunciationem beate Marie absque omni reclamatione persolvent Sepedictus vero Willelmus et heredes sui ius advocationis ecclesie de Muned libere quiete et inconcusse inperpetuum optinebunt Et ut hec compositio inposterum robur illesum et illibatum optineat eam presentis scripti attestatione confirmamus His testibus Magistro Philippo Magistro Theobaldo Magistro Osberto Domino Roberto Corbeth Hugone Corbeth fratre eius Philippo de Sai Widone de Arundel Rogero de Esthona Rogero Porcell et multis aliis