Charter Document - 02410283
| Charter Number: | 02410283 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1215 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Egidius divina permissione Hereford ecclesie minister presentis vite felicitatem et eternam beatitudinem Noverit universitas vestra nos venerabilis antecessoris nostri pie memorie Willelmi de Ver Herford episcopi auctenticum inspexisse instrumentum cuius tenorem perpendimus ipsis abbati et monachis de Tinterna indulsisse ut ipsi ecclesiam de Wolvaston et capellam de Alvynton cum omnibus ad eas de more spectantibus in usus suos proprios convertant Nos igitur pium et deo gratum esse considerantes religiosorum portiones augmentare ut crescentibus illorum bonis augeatur et munus deo famulantium det in hospitalitate manu tenenda caritas prenominatas ecclesiam et capellam iuxta prenominati tenorem instrumenti predictis abbati et monachis salvis matricis ecclesie nostre Hereford iure et dignitate presenti scripto et sigilli nostri appositione confirmamus Hiis testibus W thesaurario Herford Magistris Theobaldo Ricardo Rufo et ceteris