Charter Document - 02410280
| Charter Number: | 02410280 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1215 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Egidius dei gratia Hereford episcopus dedi et concessi Ricardo de Kent servienti nostro pro homagio et servitio suo dimidiam hydam terre cum omnibus pertinentiis suis in Calecumbe videlicet illam quam Willelmus de Calecumbe habuit et tenuit tenendam et habendam sibi et heredibus suis de nobis et successoribus nostris episcopis in feodo et hereditate libere et quiete ab omni servitio et exactione quod ad terram pertinet salvo regali servitio reddendo inde annuatim nobis et successoribus nostris episcopis ipse et heredes sui septem solidos et unum denarium pro redditu et dono quod ad terram pertinebat quatuor terminis scilicet ad festum Sancti Andree duos solidos et sex denarios et ad festum Sancti Iohannis Baptiste decem et octo denarios et ad Annuntiationem beate Marie decem et octo denarios et ad festum Sancti Michaelis decem et novem denarios Quod quia firmum et stabile permanere volumus id presenti scripto et sigilli nostri appositione confirmavimus Hiis testibus Waltero de Braosa Iohanne fratre suo Willelmo de Bellocampo et aliis