Charter Document - 02410277
| Charter Number: | 02410277 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1208 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Egidius divina permissione Hereford ecclesie minister eternam in domino salutem Noverit universitas vestra nos venerabilis antecessoris Willelmi de Ver Hereford episcopi cartam inspexisse cuius tenore perpendimus ipsum concessisse fratribus deo et Sancte Milburge in ecclesia de Wenel deservientibus ut liceat eis ecclesiam de Eaton et ecclesiam Sancte Trinitatis de Wenelcum omni sua integritate in usus proprios convertere Nos vero attendentes inde predictis fratribus affectuosam karitatem sanctamque devotionem plenius exuberare illorum beneficia dignum duximus augere ut illis augmentatis fervor devotionis et amor caritatis si fieri potest in sublimiora conscendant Concedimus igitur et quantum ad nostre pertinet auctoritatis ministerium confirmamus predictis monachis prenominatas ecclesias ad usus proprios in perpetuum cum omnibus ad eas de iure spectantibus optinendas salvis in omnibus episcopali auctoritate et dignitate et officialium suorum honesta consuetudine Ut igitur hec nostra concessio et confirmatio perpetue firmitatem stabilitatis optineat eam presenti scripto et sigilli nostri testimonio confirmare curavimus Hiis testibus Magistris Theobaldo Albino et Galfrido de Ludel Ricardo et Rauff capellanis Symone et Willelmo clericis Alexandro de Albet Henrico de Peneb Iohanne de Camera et multis aliis