Charter Document - 02410255
| Charter Number: | 02410255 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1215 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Egidius divina permissione Herefordensis ecclesie minister eternam in domino salutem Vigilantie pastoralis cura nos ammonet dilectorum in Cristo filiorum nostrorum canonicorum Herefordensis ecclesie tranquillitati et paci propensius intendere et ne cuiusquam malitia perturbentur in posterum debita sollicitudine providere Cupientes igitur redditus et possessiones eorundem filiorum nostrorum debita libertate et integritate gaudere iura prebendarum et maneriorum suorum et ceterarum terrarum et reddituum tam in mobilibus quam in inmobilibus consistentia nec non et causas ecclesiasticas cum proventibus et emolumentis earum inter homines eorum et de excessibus eorundem hominum emergentes sub ea integritate et libertate qua temporibus predecessorum nostrorum gavisi sunt eis concedimus et episcopali autoritate confirmamus districtius inhibentes ne cuiquam nostre iurisdictioni supposito liceat hanc nostri beneficii confirmationem infringere vel ei ausu temerario contraire Si quis vero hoc attemptare presumpserit indignationem dei omnipotentis nec non et beate Marie et beati Ethelberti et nostram se noverit incursurum