Charter Document - 02410248
| Charter Number: | 02410248 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Exemption |
| Date: | 1214 |
| Date type: | Assigned |
| Resource Link(s): |
|
Charter:
Venerabili in Cristo patri et domino karissimo S dei gratia Cant archiepiscopo tocius Anglie primati et sancte Romane ecclesie cardinali E divina permissione Hereford ecclesie minister salutem et tam devotam quam debitam cum omni humilitate reverentiam et subiectionem Reverendo cetui vestro et venerabilium fratrum et coepiscoporum nostrorum consecrationi die dominica proxima post festum Sancti Michaelis celebrande admodum affectaremus interesse nisi ad vos veniendi impotentia prone voluntati et affectuosis desideriis nostris se opponeret Siquidem Dominus Legatus nuper ad partes declinavit Hereford cuius lateri secundum eius mandatum assistimus affectuosi et debiti inter barbaras Walenses nationes ei ducatum exhibentes a quo tanquam a Domino dum in partibus nostris commoratur discedere nec possumus nec debemus Supplicamus igitur paternitati vestre quatinus absentiam nostram benigne si placet habeatis excusatam quam excusat evidens necessitas non affectata voluntas Nos vero gratum habemus et acceptum quicquid in consecrandorum ordinatione una cum coepiscopis et fratribus nostris vestra prudentia disposuerit Valeat cara nobis paternitas vestra semper in domino