Charter Document - 02410245
| Charter Number: | 02410245 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Collation |
| Date: | 1200 - 1214 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Egidius divina permissione Hereford ecclesie minister eternam in domino salutem Noverit universitas vestra quod cum contigisset vicariam capelle de Humbr ultra tempus in Laterano diffinitum concilio vacare nos eiusdem auctoritate concilii nec non et privilegiis nobis a domino papa super hoc indulti eandem vicariam A capellano contulimus et ipsum in eadem capella perpetuum vicarium cum omnibus ad eam de iure spectantibus canonice instituimus salva pensione decem solidorum monachis de Brekon annuatim de eadem capella persolvenda Ut igitur hec nostra institutio rata permaneat et inconcussa eam presenti scripto et sigilli nostri testimonio confirmavimus Hiis testibus Magistris Theobaldo Galfrido de Ludel Philippo Map Ricardo et Ranulfo capellanis Simone et Willelmo clericis et multis aliis