Charter Document - 02410232
| Charter Number: | 02410232 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1186 - 1190 |
| Date type: | Assigned |
| Resource Link(s): |
|
Charter:
Willelmus de Ver dei gratia Herefordensis episcopus universis sancte matris ecclesie filiis eternam in domino salutem Noverit universitas vestra nos ad presentationem dilectorum in Cristo filiorum Radulfi videlicet abbatis et totius conventus Salopesberie suscepisse magistrum Willelmum de Calna ad ecclesiam de Stottesdon ipsumque in eadem ecclesia cum omnibus capellis ad eandem ecclesiam spectantibus rectorem instituisse videlicet cum capellis de Ferlawe et de Wuerketon et de Eston et Wethulla cum omnibus libertatibus et pertinentiis quas eius predecessor Gamel in prefata ecclesia habuisse dinoscitur ita quod singulis annis nomine pensionis iam dictus W prescriptis monachis centum solidos persolvet in festo beati Michaelis xxv solidos in Natali xxv solidos in annuntiatione beate Marie xxv solidos in nativitate beati Iohannis xxv solidos quod quare canonice et ad presentationem memoratorum abbatis et conventus Salopesberie a nobis gestum est presentis carte patrocinio et sigilli nostri testimonio confirmandum et corroborandum duximus Hiis testibus Willelmo filio Nicholai magistro Iohanne de Colec Philippo de Sai et aliis