Charter Document - 02410227
| Charter Number: | 02410227 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1186 - 1198 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit W dei permissione Hereford ecclesie minister eternam in domino salutem Cum religionis studia benigno sint persequenda favore illis tamen religiosorum necessitatibus relevandis quodam favoris privilegio tenemur assistere quas pro participandis indigentium oneribus benevolentia karitatis ipsos novimus religiosis sustinere Attendentes igitur dilectorum in Cristo filiorum nostrorum fratrum Wenlocen monasterii hospitalitatis gratiam quam hospitum aliorum que indigentium susceptionem ipsos supra vires facultatum suarum sepissime novimus impendisse facultatibus suis ad usus hospitum et indigentium destinatis dignum duximus et deo gratum in honore beate virginis Milb[u]rge episcopali auctoritate et pia provisione mediocriter adicere Ad supplendas igitur predictorum fratrum insufficientias volumus et episcopali auctoritate concedimus ut liceat illis ecclesias Sancte Trinitatis de Wenlok et de Eatun cum pertinentiis suis quietas et absolutas ab omni exactione et consuetudine episcoporum et officialium suorum in usus suos plene convertere et tam decimas frugum quam aliarum rerum et obventiones omnes ad predictas ecclesias provenientes sine omni difficultate vel diminutione percipere et capellanos in eisdem ecclesiis ministrantes in mensa sua exhibere eisque pro sua voluntate in rationabilibus soldatis providere Quod quia perpetue stabilitatis robur volumus optinere presenti scripto et sigilli nostri patrocinio confirmare curavimus Hiis testibus Magistro Roberto Folet Magistro Iohanne Clemen[tis] Magistro Osberto Willelmo capell Reginaldo Foliot Radulfo et Galfrido clericis Alexandro decano de Dudeleb Willelmo de Lega Ricardo Camr et multis aliis