Charter Document - 02410217
| Charter Number: | 02410217 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1188 - 1189 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens carta pervenerit W dei permissione Hereford episcopus eternam in domino salutem Ex officio karitatis ac paterne pietatis indulgentia illis precipue tenemur bene facere qui in relevando indigentium necessitatibus et communicandis affluentium sarcinis pia subventione semper intendunt Attendentes igitur dilectorum in Cristo fratrum abbatis et conventus de Lillesh hospitalitatis gratiam quam in hospitum susceptione benigne semper inpendunt pensionem xl s quam de ecclesia de Wystan iuxta compositionem inter dictos can[onicos] et Ph[ilippum] de Stepelton factam in curia domini regis sicut in cirographo inter eos concepto continetur recipere debent nostra auctoritate duximus confirmanda et ne de cetero liceat alicui eam pensionem diminuere vel iniuste detinere et presenti scripto et sigillo nostro communire curavimus Hiis t