Charter Document - 02410216
| Charter Number: | 02410216 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1187 - 1198 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis W Heref episcopus salutem Quoniam religiosorum loca pio semper et benigno favore sunt promovenda illorum propensius religiosorum necessitatibus relevandis quodam favoris privilegio tenemur assistere qui indigentium onera et advenientium sarcinas misericorditer et benigne noscuntur sustinere Attendentes igitur dilectorum in domino filiorum monachorum de Leom hospitalitatis gratiam quam in relevandis pauperum indigentiis communicandis affluentium sarcinis supra vires facultatum suarum ipsos scimus et novimus impendisse pro salute animarum regis H et regine Alicie que me nutrierunt et multa beneficia michi contulerunt et pro salute episcoporum Hereford tam predecessorum quam successorum nostrorum et pro salute anime mee et patris et matris mee et omnium antecessorum et parentum meorum ad petitionem dilecti in Cristo filii H abbatis Radig et dilectorum filiorum R decani et W precentoris Heref et Magistri Symonis Meludin et Magistri Nicholai et aliorum canonicorum ecclesie nostre volumus et auctoritate episcopali concedimus ut liberum sit et licitum predictis monachis vicariam que dicitur ad crucem Leom et capellam de Hopa in usus hospitalitatis et pauperum convertere et omnia ad ipsam pertinentia percipere Capellanos autem annuos qui populo divina celebrabunt quales noverint sibi ydoneos ad mensam suam habeant qui nobis et successoribus nostris de spiritualibus respondeant et predictis monachis de temporalibus satisfaciant Et quia hanc concessionem nostram assensu et voluntate W clerici de Stoctun qui predictam vicariam tenuit et in manus nostras resignavit legitime factam perpetuam et firmam volumus permanere eam presenti scripto et sigilli nostri munimine confirmare curavimus T []