Charter Document - 02410212
| Charter Number: | 02410212 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1186 - 1198 |
| Date type: | Assigned |
| Resource Link(s): |
|
Charter:
W dei gratia Heref episcopus archidiaconis decanis et presbiteris in Heref episcopatu constitutis salutem Auctoritate qua fungimur vobis in vi obedientie precipimus quatinus statim ex quo querimonia monachorum de Leom super rebus eorum ablatis vel possessionibus suis turbatis vel ob iniuriam sibi et hominibus suis illatam delata fuerit nisi satisfacere voluerint auctoritate nostra omni occasione et dilatione postposita sollempniter omnes illos malefactores cum vobis nominati fuerint candelis accensis excommunicetis et tanquam ex communicatos in quacumque parrochia fuerint ab omnibus usque ad condignam ablatorum satisfactionem cautius vitari precipiatis et dum moram ibi fecerint divina celebrari ibidem prohibeatis Valete