Charter Document - 02410210
| Charter Number: | 02410210 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1186 - 1193 |
| Date type: | Assigned |
| Resource Link(s): |
British Library - Egerton MS 3031 (f56v) |
Charter:
Universis Cristi fidelibus ad quos presens scriptum perveniunt Willelmus dei gratia Herford episcopus salutem in domino Cum vicariam monasterii de Leom vacantem usque ad idonei vicarii presentationem ex officio episcopali nobis iniuncto in custodia nostra tenuissimus ex officialium nostrorum inquisitione et de monachorum iamdicti loci indubitata relatione cognovimus vicarios in iandicto monasterio ministrantes xii garbas de singulis virgatis terre a parrochianis exculte que scrifcorn vulgariter appellabantur sub pensione dimidie marce annuatim solere percipere et ex hac garbarum perceptione generali consuetudini ecclesie incognita collectioni decimarum ad usum monachorum pertinentium nacta occasione malignandi enorme dispendium consuevit imminere Colligentes etenim iamdictas garbas usurpata quadam immunitate delinquendi prescriptas [decimas] monachorum ut dicebatur impudenter dissipare et impune distruere consueverunt Nos itaque indempnitati memorati monasterii providere volentes et utilitatem prelibate vicarie conservare disponentes cum officialibus nostris et viris discretis super hoc habito tractatu monachis supradictas garbas in usus proprios convertendi immunitatem indulsimus ab eisdem monachis in compensationem iamdicti scrifcorn alia portione non minorem commoditatem continente secundum arbitrium vicarii nobis presentati perpetuo assignata ita quod idem vicarius illa vicaria sicut tunc temporis fuit ordinata ad sustinendas episcopales consuetudines se fuisse contentum publice est confessus Quod ne de cetero cuiuslibet calliditate in ambiguitatem vel altercationem possit revocari illud presentis pagine inscriptione et sigilli nostri appositione confirmare curavimus His testibus Willemo de Stok vice archidiacono magistro Iohanne de Colecestr Martino clerico et multis aliis