Charter Document - 02410209
| Charter Number: | 02410209 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1195 - 1198 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Willelmus dei gratia Herefordensis episcopus salutem in domino Universitati vestre notificamus quod cum Simon Foliot canonicus Heref ecclesiam de Hamma in manus nostras sponte resignasset et iuri si quid in ea habeat penitus renuntiasset nos de assensu et consilio capituli nostri dilectum in Cristo filium nostrum Henricum priorem ecclesie Sancti Guthlaci Hereford in eadem ecclesia instituimus et in possessionem eiusdem induci fecimus Tenuitati etenim facultatum predicte ecclesie Sancti Guthlaci et indigentie fratrum ibidem deo famulantium compatientes ut uberius habeant unde pauperes reficiant hospites admittant et proprios defectus aliquatenus suppleant prefatam ecclesiam de Hamma in usus prefatorum fratrum duximus esse convertendam [ne] domus religiosa que lateri sedis episcopalis adheret et quasi filia ab uberibus ma[tris] dependet in urbe etiam que copiarum locus est constituta inter sue matris habun[da]ntias et vicinorum suorum sufficientias graves facultatum patiatur angustias Ut igitur pius circa filiam matris probetur affectus concedimus ut prefatus H prior et eiusdem loci conventus pretaxatam ecclesiam de Hamma cum pertinentiis suis in usus suos plene convertant et omnia ad eam spectantia libere percipiant et hanc concessionem nostram scripto presenti confirmavimus et sigillum nostrum una cum sigillo capituli nostri huic confirmationi apposuimus Hiis testibus Roberto Folet Magistro Roberto Grossi Capitis Magistro Nicholao de Hampton Magistro Iohanne Clementis Rogero Foliot Magistro Osberto et Iohanne capellanis nostris Radulfo tunc diacono nostro Rogero de Ver