Charter Document - 02410204
| Charter Number: | 02410204 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1198 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presentes litere pervenerint W dei gratia Heref episcopus eternam in domino salutem Cum multiplici caritatis opere divina gratia animas fidelium salvandas mutaverat potissimum elemosinarum largitio et Cristi pauperum exhibitio recte credentibus expeditionem ad conspectum domini properant accessum et in perennitatis sue tabernaculum faciliorem ordinant introitum inde est quod nos dilectorum nobis in Cristo filiorum videlicet monachorum in monasterio beatorum apostolorum Petri et Pauli et Sancti Guthlaci Hereford domino devote famulantium honestam et regularem conversationem considerantes et eorum possessiones et facultates secundum affectionis sue fervorem ad bonum hospitalitatis sustinendum et prescripta pietatis opera exequenda secundum ordinis sui institutionem non sufficere mani festius attendentes possessionum et bonorum suorum quantitatem augere presertim ad perpetuam domus sue hospitalitatem ordinate sustinendam instinctu publice honestatis et communis utilitatis affectuose studuimus Nos itaque ecclesiam Sancti Cudberti de Hamme ultra Wayam et capellam Sancti Martini intra ambitum castri Heref constructam cum omnibus pertinentiis suis memoratis monachis sicud ex inspectione instrumentorum suorum ab antiquis temporibus eisdem canonice collatas indubitanter cognovimus salva Heref ecclesie dignitate et canonica obedientia nobis et successoribus nostris debita episcopali auctoritate confirmamus et decimas et obventiones earum in subscriptarum ecclesiarum cum ipsas vacare contigerit ad honestam ut diximus domus sue hospitalitatem iugiter conservandam percipere in proprios usus et causis necessariis domus sue liberam habendo inde dispositionem convertere salva conpetenti vicariorum sustentatione pietatis et misericordie intuitu eisdem permisimus Preterea nos vestigiis predecessorum nostrorum pietate nitentibus inherentes predicto monasterio et monachis ibidem deo servientibus possessiones ecclesias et alia beneficia in liberam elemosinam concessa inperpetuum quiete possidenda confirmamus ecclesiam scilicet Sancti Petri que est in foro Heref cum prebendis terris et decimis et omnibus ad eam pertinentibus ecclesiam Sancti Audoeni de Heref cum omnibus ad eam pertinentibus et ecclesiam de Acla et ecclesiam de Agneburia et ecclesiam de Mordford et capellam de Britwaldest et ecclesiam de maiori Suttona cum omnibus pertinentiis suis et capellam de minori Suttona et ecclesiam de Moniton cum omnibus pertinentiis suis et ecclesiam de Mocres cum pertinentiis suis duas partes totius dominii de Stanton et de Russeburi [et Weth]ullaet Humbra et Buterleya et de Strete et de Webbeleia et Burhopa et [in Bodeh]am et Maghene et de Stoca et Weston et de Kempeleia et totam decimam de Godredeshopa et de Oxenhale tertiam etiam partem decimarum villenagii de Lugwardin Quod ne de cetero in dubium vel irritum revocari valeat illud presentis pagine inscriptione et sigilli nostri appositione solempniter corroborari et confirmari curavimus Hiis testibus Magistro Iohanne de Glouc Magistro Osberto capellano nostro Willelmo capellano Magistro Eilmundo Galfrido clerico Rogero de Ver Roberto de Laneham Radulfo de Grafton et aliis