Charter Document - 02410187
| Charter Number: | 02410187 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1198 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Willelmus dei gratia Hereford ecclesie minister etern[am] in Cristo salutem Ex officio iniuncte nobis administrationis tenemur viris religiosis eatenus providere ut beneficia a filiis sancte dei ecclesie in elemosinam perpetuam sibi collata pacifice et absque omnium vexatione possidere valeant Inde est quod dilectis fratribus nostris abbati Sancti Petri Castellionis et monachis ibidem deo servientibus paterna pietate prospicere cupientes concedimus eis et episcopali auctoritate confirmamus manerium de Munekeslen et ecclesiam eiusdem ville cum universis decimationibus et ceteris obventionibus et omnibus ad eam de iure spectantibus salva honesta sustentatione vicarii medietatem quoque ville d[e Dun]ra quam Hugo de Dunra tenet de eisdem monachis pro quinquaginta solidis annuatim reddendis in tribus terminis videlicet tertia parte in purificatione Sancte Marie et tertia in die Pentecostes et tertia in festo Sancti Michaelis Confirmamus etiam eis omnes decimas de dominio de Cabenour cum uno hospite et decimam illius terre quam idem hospes de eis tenet et de Hide in omnibus Confirmamus etiam eis duas partes decimarum de dominio de Bromesberga tam in magnis quam in minutis decimis in omnibus et confirmamus eis duas partes decimarum de domino de Edibestoc in omnibus cum uno hospite et duas partes decimarum de dominio de Hida et duas partes decimarum de dominio Willelmi de Scholl et duas partes decimarum Hereberti de Espertun et unum burgagium in villa Hereford et duas partes decimarum de Alboldeleg et in eadem villa duos hospites et duas partes decimarum de dominio del Bur et duas partes decimarum de dominio de Worvesleg et terram et mansuram que fuit Caure et duas partes decimarum de feodo Osberti filii Rualdi et duas partes decimarum de Linda cum uno hospite Has elemosinas habent predicti monachi ex donatione Radulfi senioris de Toeni[o] quas et alia si qua in episcopatu Hereford habent beneficia canonice adepta eis confirmamus salva dignitate Hereford ecclesie et successorum nostrorum canonica iusticia quod ne de cetero ded[uci po]ssit in irritum presenti carta et sigilli nostri tes[timoni]o communimus His testibus Magistro Iohanne de Colec Willelmo de Stoc canonicis Hereford Magistro Stephano et Magistro Osberto et R[icardo scripto]re cleri[cis] n[ostris] M[agistro Petro et Willelmo] cl[erico] de Len et [Rogero Turnel et Roberto de] Offewrd Rogero de Livet