Charter Document - 02410180
| Charter Number: | 02410180 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1196 - 1198 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Willelmus de Ver dei gratia Hereford ecclesie minister humilis Eternam in domino salutem Noverit universitas vestra nos assensu capituli Hereford dedisse et concessisse et hac carta confirmasse dilecto in Cristo filio Ade de Estona homini nostro et fideli pro homagio et servicio suo totam terram nostram de Eston cum omnibus pertinentiis suis in bosco et plano in pratis et pascuis in viis et semitis in dominiis et villanagiis et liberis tenementis in terra culta et inculta et in omnibus rebus et consuetudinibus que quidem terra assignata fuit ecclesie Hereford pro decem libratis terre tenendam prefato Ade et heredibus suis de nobis et successoribus nostris episcopis Hereford iure hereditario ad feudo firmam libere et quiete honorifice plenaria et integre ab omni servicio et seculari exactione reddendo inde annuatim nobis et successoribus nostris pro omnibus rebus Decem libras argenti ad quatuor terminos videlicet ad Natale domini quinquaginta solidos ad annuntiationem Sancte Marie quinquaginta solidos ad festum Sancti Iohannis Baptyste quinquaginta solidos ad festum Sancti Michaelis quinquaginta solidos De hac vero terra homagium prenominati Ade in plena curia nostra apud Hereford accepimus ipsamque terram cum omnibus pertinentiis suis debemus nos et successores nostri warantizare eidem Ade et heredibus suis adversus omnes homines Quod ut firmum et stabile inperpetuum permaneat presenti carta et sigilli nostri apposicione confirmare et corroborare curavimus Hiis testibus Ricardo Hereford decano Radulfo eiusdem loci archidiacono Hugone archidiacono Salopesir et capitulo Heref hoc idem sigillo suo approbante Waltero Map archidiacono Oxonie Magistro Nicholao de Hamtona Magistro Osberto et Willelmo capellanis Reginaldo Foliot Rogero de Ver Alexa[nd]ro de Estenor Ricardo Britone Mauricio de Cradelea Hugone de Hesela Iohanne de Stanford et Henrico filio suo Hugone de Dunra Hugone de Walford Gregorio de Everleia et Willelmo et Waltero et Thoma et Galfrido fratribus suis Eustachio de Wttona et Iohanne de Wika fratre suo Petro Fulchier et Ricardo fratre suo Everardo de Everleia Et multis aliis