Charter Document - 02410156

Universis sancte matris ecclesie filiis ad quos presens scriptum pervenerit Robertus dei gratia Heref episcopus eternam in domino salutem Ad officium nostre sollicitudini commissum pertinere arbitramur ea que canonice et rationabiliter coram nobis gesta sunt scripto commendare ne quo forte modo neglecta oblivionis fuco obliterata depereant sed diligenter scripti memorie inserta inperpetuum reserventur inconcussa et permaneant illibata Inde est quod venerabilium et dilectorum in Cristo fratrum videlicet Thome dei gratia abbatis et totius conventus Glouc et fratris Garini de Neapol tunc prioris de Hospitali Ierosolimitano per Angliam inspecta carta in qua plenius continetur ad quem transactionis finem eidem fratres tandem devoverunt de ecclesia Sancti Michaelis de Sutton unde diu litigabant eidem transactioni auctoritatis nostre robur accommodavimus que videlicet in hunc modum facta est fratres prefati hospitalis tenebunt inperpetuum prescriptam ecclesiam Sancti Michael is de Sutton cum capella de Wystanestowe et decimis Eaddefoni et decimis unius virgate terre in Magen et cum terra et prato et decimis et obventionibus omnibus tam ecclesie quam capelle pertinentibus de abbate et conventu Glouc et priore et monachis Hereford sub pensione quatuordecim solidorum solvenda annuatim pro ea priori pro tempore et monachis Hereford duobus terminis videlicet vii s in annunciatione beate Marie et vii solidorum in festo Sancti Michaelis celebranda hac solutione apud Heref in domo monachorum Sancti Petri et Sancti Guthlaci per manum fratris pro tempore qui redditus hospitalis in Heref comitatu procurabit Quod si domus hospitalis huic transactioni non steterit postquam hoc priori domus hospitalis per Angliam denunciatum fuerit et solutionis cessatio demonstrata et non infra xl dies post denunciationem factam satisfactum transactis xl diebus licitum erit prefatis monachis prenotatam ecclesiam de Sutton nostra auctoritate tanquam suam de iure ingredi et sibi retinere Fratres autem hospitalis de eadem ecclesia episcopalia solvent nichil quocumque iure sibi vendicabunt in parochia Sancti Nich[olai] de minori Sutton Et quia transactionem hanc ratam et inconcussam in perpetuum permanere desideramus eam nostra episcopali auctoritate et presentis carte patrocinio confirmamus et sigilli nostri appositione roboramus Hiis testibus Waltero Linc ecclesie cancellario Hugone archidiacono Salopesir Willelmo fratre Radulfi archidiaconi Waltero de Colwell Iohanne canonico [et] Eluredo capellanis nostris Bartholomeo Reginaido Rannulfo Osberto clericis nostris Willelmo camerario et aliis