Charter Document - 02410150
| Charter Number: | 02410150 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1174 - 1186 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis Robertus Foliot dei gratia Herefordensis ecclesie minister humilis perpetuam in domino salutem Universitati vestre notum facimus quod nos considerantes paucitatem bonorum ad communam dilectorum filiorum nostrorum canonicorum Hereforden pertinentium Deo et Beate Marie et Sancto Adelberto ibidem assidue et devote servientium concessimus et dedimus eis ecclesiam manerii nostri de Hupton in augmentum communie sue libere et quiete et honorifice in perpetuum habendam cum terris decimis et obventionibus et omnibus rebus et libertatibus ad eandem ecclesiam pertinentibus sicut unquam eam aliquis melius liberius et quietius tenuit Volumus etiam et statuimus ut post decessum Reginaldi clerici de Glouc quem ad presentationem eorundem canonicorum nostrorum perpetuum in eadem ecclesia constituimus vicarium liceat eis ad libitum suum de eadem ecclesia de Hupton libere disponere ita videlicet ut eam in proprios usus retineant vel alii sub certa pensione pro sua voluntate committant salva in omnibus episcopali dignitate Ut autem hec nostra donatio in perpetuum rata et illibata permaneat ipsam presenti scripto et sigilli nostri testimonio confirmamus His testibus Henrico thesaurario London Iohanne et Alur[edo] capellanis nostris Magistro Edmundo Waltero de Colewell Ernaldo de Stok Ranulfo de Salewarp Bartholomeo de Eignesham Osberto de Ledeb Bertramo et Herveio clericis nostris Willelmo camerario Petro de parco Germano coco Sampsone pistore Henrico marescallo