Charter Document - 02410149
| Charter Number: | 02410149 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1174 - 1183 |
| Date type: | Assigned |
| Resource Link(s): |
|
Charter:
Universis sancte matris ecclesie fidelibus Robertus dei gratia Herefordensis ecclesie minister humilis perpetuam in Cristo salutem Notum vobis facimus quod dilectus frater noster et canonicus David de Aqua assensu nostro dedit et concessit in perpetuam elemosinam ecclesie Sancte Marie et beati Ethelberti de Heref totam decimam cuiusdam terre quam a bone memorie Rob[erto] de Chandos in augmentum prebende sue emit ita quod singulis annis in festo beate Milburge virginis de eadem decima fiant siminelli canonicis et vicariis memorate ecclesie necnon et cunctis sacerdotibus in villa Heref parochias regentibus distribuendi Ut autem huius decime concessio rata in perpetuum et inconcussa permaneat nos eandem episcopali auctoritate et presenti scripto et sigilli nostri appositione confirmamus His testibus Godfridus dec[ano] Ivone thesaurario Magistro Iordano Magistro Nicholao presbitero Magistro Simone Magistro Nicholao divino Reginaldo capellano Magistro Eustachio Galfrido Folet et multis aliis