Charter Document - 02410147

Universis sancte matris ecclesie filiis Robertus dei gratia Herefordensis ecclesie minister humilis perpetuam in domino salutem Noverit universitas vestra quod cum primum ad regimen Herefordensis ecclesie deo vocante accessissemus invenimus in castalario de Lidebery Madocum Radulfum et Agnetem uxoris eius tenentes terram de Linlega et episcopo Herefordensi unam marcam sub annua pensione inde reddentes Postea abbas de Haghmon et conventus per litteras domini pape adversus eos controversiam super iam dicta terra moverunt et coram iudicibus delegatis eam demum evicerunt Ita quod Madocus et Radulfus consensu et assensu Agnetis uxoris eius coram Godfridus decano et Radulfo archidiacono et Ivone thesaurario et Waltero senescallo et multis aliis terram illam sine omni reclamatione in manum nostram resignaverunt et nos abbatem et conventum de Haghmon de eadem terra cum omnibus pertinentiis suis in bosco et plano in pratis et aquis et pascuis et omnibus aliis locis investivimus tenendam de nobis et successoribus nostris inperpetuum sub annua pensione xx solidorum solvendorum in duobus terminis medietatem in Pentecost et alteram in festo beati Martini Preterea omni anno quo werra fuerit ad sum monitionem nostram et ballivi nostri invenient in castello de Lidebury unum servientem per xv tantum dies per expensas suas Et si forte dominus episcopus aliquando a liberis illius feudi hominibus auxilium exigere opus habuerit tunc facient sicuti terra illa antiquitus facere consuevit secundum recordationem curie nostre de Lidebury Quod quia firmum et stabile manere volumus presenti carta et sigilli nostri attestatione premunimus et confirmamus His testibus Godfridus decano Radulfo archidiacono Ivone thesaurario Reginaldo constabulario Magistro Eustachio Reginaldo capellano Willelmo camerario Willelmo decano de Bruge Hugone decano de Iarchul Waltero decano de Humbre Magistro Osberto et multis aliis