Charter Document - 02410141
| Charter Number: | 02410141 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1178 - 1179 |
| Date type: | Assigned |
| Resource Link(s): |
|
Charter:
Universis fidelibus R dei gratia Hereford ecclesie minister humilis perpetuam in domino salutem Ad universorum notitiam pervenire volumus quod cum controversia que vertebatur inter abbatem et conventum Sancti Petri Castellionis et Rogerum Camewrda super medietate ecclesie de Wotton et dampnis sibi ut asserebat illatis nobis et venerabili viro B abbati de Forda a sede apostolica appellatione remota cognoscenda et terminanda commissa fuisset nos quia multitudine negotiorum districti decisioni predicte cause interesse non potuimus vices nostras memorato coniudici nostro delegavimus eapropter nos assensum prebentes transactioni que in presentia prenominati abbatis et honestorum et discretorum virorum super prescripta causa et dampnis datis facta est Ipsam transactionem secundum quod in autentico scripto sepedicti abbatis continetur una cum eodem coniudice nostro in quantum ad nos pertinet auctoritate nobis commissa confirmamus et sigilli nostri testimonio communimus sub presentia istorum testium Valteri archidiaconi Radulfi Folioth Roberti decani de Nene Magistri Hernaldi de Buchinheham et Willelmi de Monkele Benedictionem et valete in domino