Charter Document - 02410136
| Charter Number: | 02410136 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1179 - 1181 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Robertus dei gratia Hereford ecclesie minister humilis salutem in eo qui est salus eterna credentium Notum sit vobis quod cum super decimis de dominio de Brechonia auctoritate domini pape coram nobis lis mota fuisset priori de Brechon et conventui ab abbate et monachis Glouc tandem de nostra licentia transactione interveniente pax inter eos formata est et tota controversia que eadem auctoritate suscita erat penitus extincta ita quidem quod fratres de Brechonia de voluntate abbatis de Bello appellatione quam fecerant coram nobis renunciata tertiam partem decimarum de dominio de Talgar que ad eos ante spectabant scilicet de lana caseis agnis vitulis que ex vaccis et ovibus proveniunt abbati Glouc penitus resignaverunt Predictus vero abbas Glouc similiter decimas vitulorum et caseorum qui ex vaccis de foresta de Brechen proveniunt perpetuo possidendas retentis sibi decimis totius venationis et totius occisionis ante Natale apud Brechen integre predictis fratribus de Brechen concessit Decime vero de Lameis in transactionem istam non veniunt Et nos auctoritate domini pape qua fungimur in hac causa transactionem istam confirmamus Huius rei testes sunt Gaufridus decanus Radulfus archidiaconus Ivo thesaurarius Magister Nicholaus Willelmus de Stoc canonici Hereford Magister Gilebertus de [] Ricardus presbiter de Bodeham Henricus de Kilpec et Walterus frater eius Milo de Michecr Osbertus clericus archidiaconi et plures alii