Charter Document - 02410135
| Charter Number: | 02410135 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1183 - 1186 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Robertus dei gratia Heref episcopus salutem Notum vobis facimus quod nos ad presentationem Ricardi de Boclinton recipimus Robertum clericum ad ecclesiam de Boclinton ipsumque R in eadem ecclesia cum omnibus pertinentiis suis in bosco et plano in pratis et pascuis in terris decimis et obventionibus personam canonice et absque omni reclamatione instituimus Quod ne imposterum deduci possit in irritum presenti carta et sigilli nostri impressione confirmamus salva in omnibus tam nostra quam nostrorum successorum episcoporum Heref canonica iustitia Hiis t[estibus] Waltero Lyncoln ecclesie cancellario Hugone archidiacono Salopes W Folyot et aliis